مەودا میدیا- 
بەیانی ئەمڕۆ و لە یەكەم رۆژی كردنەوەی بازاڕەكانی ئەم هەفتەیەدا، نرخی نەوتی برێنتی دەریای باكوور 40 سەنت دابەزی و یەك بەرمیلی بە 84 دۆلار و 84 سەنت مامەڵەی پێوەكرا، هەروەها نرخی نەوتی سووكی تەكساسی ئەمریكا 50 سەنت دابەزی بۆ 80 دۆلار و 34 سەنت.
 
لە ئاستی هەفتانەدا، لە ماوەی یەك هەفتەی رابردوودا نرخی نەوت بەهۆی ئاماژەكان لەسەر بەرزبوونەوەی خواست بۆ سووتەمەنی لە ئەمریكا، بەتایبەتی لە دەستپێكی وەرزی هاوین، بەڕێژەی 3٪ بەرزبووەتەوە.
 
لە ماوەی رابردوودا خواست بۆ بەكارهێنانی بەنزین لە ئەمریكا بەرزبووەتەوە بۆ بەرزترین ئاستی لە 7 مانگی رابردوودا، خواست بۆ سووتەمەنیی فڕۆكەش گەیشتووەتە ئاستی 2019، ئەو ئاستەی بەر لە بڵاوبوونەوەی ڤایرۆسی كۆرۆنا هەبوو، لەهەمان كاتدا قەبارەی نەوتی خاوی كۆگەكراویش دابەزیوە، هەموو ئەوانەش بوونەتە هۆی بەرزبوونەوەی نرخی نەوت. 
ئ.پ