مه‌ودا میدیا-

سه‌رچاوه‌یه‌كى باڵا به‌ مه‌ودا میدیاى راگه‌یاند، تا ئێستا وه‌زاره‌تى دارایی حكومه‌تى هه‌رێمى كوردستان لیستى مووچه‌ى مانگى شه‌شى فه‌رمانبه‌رانى ره‌وانه‌ى به‌غدا نه‌كردووه‌.

ئه‌و سه‌رچاوه‌یه‌ كه‌ نه‌یویست ناوى ئاشكرا بكرێت ئه‌وه‌شى وت "ئه‌گه‌رچى وه‌زاره‌ته‌كان لیستى مووچه‌یان ئاماده‌كردووه‌، به‌ڵام تا ئێستا له‌لایه‌ن وه‌زاره‌تى دارایی ئه‌و لیسته‌ بۆ وه‌زاره‌تى دارایی عیراق ره‌وانه‌ نه‌كراوه‌".

وتیشى "دواكه‌وتنى ناردنى لیستى مووچه‌ ده‌بێته‌ هۆكارى دواكه‌وتنى دابه‌شكردنى مووچه‌ى فه‌رمانبه‌رانى هه‌رێم، وه‌ك ئه‌وه‌ى مانگى رابردوو زیاتر له‌ 10 رۆژ ناردنى لیسته‌كه‌ و مووچه‌ى مانگى پێنجیش دواكه‌وت".

پێشتر وه‌زاره‌تى دارایی عیراق رایگه‌یاندووه‌ "هه‌ركات وه‌زاره‌تى دارایی هه‌رێم لیستى مووچه‌یان بۆ ره‌وانه‌ بكرێت له‌ ماوه‌ى كه‌متر له‌ دوو رۆژ پاره‌ى مووچه‌ ره‌وانه‌ى هه‌رێم ده‌كه‌ن".

ع،ه