مه‌ودا میدیا-

کۆشکی کرملین رایگەیاند، سەرۆک کۆماری رووسیا لە میانی کۆبوونەوەی لوتکەی شەنگەهای لە ئاستانەى پایتەختی کازاخستان لەگەڵ سەرپەرەشتیاری سەرۆک کۆماریی ئێران  و سەرۆک کۆماری تورکیا کۆدەبێتەوە.

یوری ئوشاکۆڤ، راوێژکاری کۆشکی کرملین بۆ سیاسەتی دەرەوە رایگەیاند "ڤلادیمێر پوتین، سەرۆكى رووسیا، له‌گه‌ڵ ره‌جه‌ب ته‌یب ئه‌رۆدغان، سه‌رۆك كۆمارى تورکیا و محه‌مه‌د موخبێر سه‌رپه‌رشتیاریی سه‌رۆك كۆمارى ئێران له‌ ئاستانەی پایتەختی کازاخستان کۆدەبنەوە لە کاتی لوتکەی شەنگەهای".

باس له‌وه‌شكراوه‌ "لووتکەی رێکخراوی هاوکاریی شەنگەهای لە رۆژانی پێنج شەمە و هەینی لە شاری ئاستانە پایتەختی کازاخستان بەڕێوەدەچێت".

له‌ دواى مردنى ئیبراهیم ره‌ئیسى، سه‌رۆك كۆمارى ئێران له‌ رووداوى كه‌وتنه‌ خواره‌وه‌ى فڕۆكه‌كه‌ى له‌ مانگى رابردووتر، ئه‌وه‌ یه‌كه‌مجاره‌ پوتین و سه‌رپه‌رشتیاریی سه‌رۆك كۆمارى ئێران كۆده‌بنه‌وه‌.

ع