مەودا میدیا-

نوسینگەی راگەیاندنی پەرلەمانی ئێران ئاشکرای کرد کە سەرۆکی پەرلەمان تووشی ڤایرۆسی کۆرۆنا بووە و لە ئێستادا لەژێر چاودێری پزیشکیدایە.

نوسینگەی راگەیاندنی پەرلەمانی ئێران رایگەیاند "عەلی لاریجانی، سەرۆکی پەرلەمانی ئێران ئەنجامی پشکنینەکەی پۆزەتیڤ دەرچووە و هەڵگری ڤایرۆسی کۆرۆنایە".

ئاماژە بەوەشکراوە "لە ئێستادا  لاریجانی لەژێر چاودێری پزیشکیدایە، هەروەها داواش لەو پەرلەمانتاران و ئەو کەسانە دەکرێت کە بەرکەوتەیان هەبووە لەگەڵی پشکنین ئەنجام بدەن".