مه‌ودا میدیا-

وتەبێژی وەزارەتی دەرەوەی ئێران رایگه‌یاند، دانوستانی ناڕاستەوخۆ لە نێوان تاران و واشنتۆندا لە هەموو قۆناغەکاندا ناوبەناو بەڕێوەچووە.

ناسر كه‌نعانى، وته‌بێژى وه‌زاره‌تى ده‌ره‌وه‌ى ئێران رایگه‌یاند "وەزارەتی دەرەوە هەموو تواناکانی بەکاردەهێنێت بۆ هاوکاری کردنی سەرکۆماری هەڵبژێردراو و بەدیهێنانی بەرژەوەندییە نیشتمانییەکان".

باسى له‌وه‌شكرد "کەنەدا رێگەی بە دانانی سندوقی دەنگدان نەداوە بۆ دەنگدانی ئەو ئێرانییانەی لەو وڵاتەدان، به‌هۆیه‌وه‌ ژمارەیەکی زۆر هاووڵاتی ئێرانی بێبەش كراون لە دەنگدان".

وتیشى "ئه‌و ڕێککەوتنە بانکییەى لە نێوان ئێران و رووسیادا کراوە بۆ بەهێزکردنی پەیوەندییە دارایی و ئابوورییەکانی نێوانیان و کەمکردنەوەی کاریگەری سزاکانی ئەمه‌ریکا، به‌رده‌وامنیش له‌گه‌ڵ واشنتۆن به‌شێوه‌ى ناڕاسته‌وخۆ دانوستان هه‌بووه‌".

ع