مه‌ودا میدیا-

وتەبێژی وەزارەتی دەرەوەی ئێران رایگه‌یاند، ئێران به‌ مافى خۆى ده‌زانێت وه‌ڵامى ئه‌و تیرۆره‌ى ئیسرائیل له‌ناو خاكى ئێران بداته‌وه‌ و ئیسرائیل ته‌مبێ ده‌كه‌ین.

ناسر كه‌نعانى، وته‌بێژى وه‌زاره‌تى ده‌ره‌وه‌ى ئێران له‌ كۆنگره‌یه‌كى رۆژنامه‌نوسى رایگه‌یاند "ئێران به‌ مافی خۆى دەزانێت بۆ بەرگری لە ئاسایش و سەروەری و یەکپارچەیی خاکمان وەڵامى هێرشه‌ تیرۆرستییه‌كه‌ى ئیسرائیل بده‌ینه‌وه‌".

وتیشى "هیچ کەس بۆی نییە ئێمە لەو کارە پەشیمان بکاتەوە و تا ئێستاش هەوڵی سیاسی و یاسایی پێویست دراوە".

ئه‌وه‌شى خسته‌ڕوو "هەوڵی پێویست دراوە بۆ کۆبوونەوەی بەپەلەی رێکخراوی هاوکاری ئیسلامی و بڕیارە ئەو کۆبوونەوە رۆژی چوارشەممەى ئه‌م هه‌فته‌یه‌ لە جەدە لە ئاستی وەزیرانی دەرەوە بەڕێوە بچێت، به‌ڵام له‌گه‌ڵ ئاڵۆزكردنى ناوچه‌كه‌ نین".

ع