مه‌ودا میدیا-

نوێنه‌ری ئێران له‌ نه‌ته‌وه‌ یه‌كگرتوه‌كان له‌نامه‌یه‌كدا هێرشى توند ده‌كاته‌ سه‌ر ئه‌مه‌ریكاو ده‌ڵێت، واشنتۆن لایه‌نگری سه‌ره‌كی تیرۆره‌ له‌ ناوچه‌كه‌ و جیهاندا.

ئه‌میر سه‌عید ئیرەوانی، نوێنه‌رى ئێران له‌ نه‌ته‌وه‌یه‌كگرتووه‌كان له‌ نامەیەکدا بۆ نه‌ته‌وه‌یه‌كگرتوه‌كان رایگه‌یاند "كۆماری ئیسلامی ئێران به‌ توندی ئه‌م تۆمه‌ته‌ درۆیانه‌ و هه‌ڵسوكه‌وتی نابه‌رپرسانه‌ی نوێنه‌ری ویلایه‌ته‌ یه‌كگرتوه‌كانی ئه‌مریكا ره‌تده‌كاته‌وه‌ و سه‌ركۆنه‌یان ده‌كات".

ئاماژه‌ی به‌وه‌شكرد "زۆر رونه‌ ئه‌مه‌ریكا، نه‌ك ئێران، لایه‌نگری سه‌ره‌كی و به‌ره‌وپێشبردنی تیرۆره‌ له‌ ناوچه‌كه‌دا".

وتیشى "له‌سه‌ر ئاستی نێوده‌وڵه‌تیش شتێكی گاڵته‌جاڕانه‌ و شه‌رمه‌زارییه‌ بۆ ئه‌مه‌ریكا کە ئێران تۆمه‌تبار ده‌كه‌ن له‌ هه‌مان كاتدا پشتگیری له‌و جینۆسایده‌ ده‌كات كه‌ له‌لایه‌ن ئیسرائیله‌وه‌ وه‌ك لایه‌نگرێكی به‌هێزی ئه‌م قه‌واره‌یه‌ جێبەجێ ده‌كرێت".

ع