مه‌ودا میدیا-

ئه‌مڕۆ شه‌ممه‌ 24-8-2024، وه‌زیرى ته‌ندروستى هه‌رێم، هه‌شت حاڵه‌تى تووشبوون به‌ نه‌خۆشى كۆلێراى له‌ شارى سلێمانى راگه‌یاند ".

د. سامان بەرزنجی، وەزیری تەندروستیی حكومه‌تى هەرێمى كوردستان له‌ كۆنگره‌یه‌كى رۆژنامه‌وانییدا رایگه‌یاند "هەشت حاڵەتی نه‌خۆشى کۆلێرا لە شاری سلێمانی پشتڕاستکراوه‌ته‌وە، دوای گەڕانەوەی ئەنجامەکان لە بەغداوە".

وتیشى "پێویستە هاوڵاتییان خۆیان لە خواردنی ئەو سەوزانەی بە ئاوی قورس ئاو دراون  بەدوور بگرن".

وه‌زیرى ته‌ندروستى، ئاماژه‌ى به‌وه‌شكرد "هه‌روه‌ها هاوڵاتییان پێویسته‌ تانکی ماڵەکانیان پاک رابگرن".

پ ح ع