مەودا میدیا-

وتەبێژی وەزارەتی تەندروستی ئێران رایگەیاند، تووشبوون بە كۆرۆنا لە ئێران بۆ نزیكەی 60 هەزار كەس بەرزبووەتەوە.

كیانوش جەهانپور، وتەبێژی وەزارەتی تەندروستی ئێران رایگەیاند "ژمارەی تووشبوون بە كۆرۆنا لە ئێران گەیشتوەتە 58 هەزار و 226 و ژمارەكەش رۆژ بە رۆژ لە بەرزبوونەوەدایە".

ئاماژە بەوەشكراوە "كۆی ئەوانەی چاكبوونەتەوە 22 هەزار و 11 كەس دەبن و ژمارەی گیان لەدەستدانیش 3 هەزار و 603 كەس دەبێت".

ئەوەش خراوەتەڕوو "لە ماوەی تەنیا 24 كاتژمێری رابردوو 2 هەزار و 483 كەس تووشبوون بە كۆرۆنا و 151 كەسیش گیانیان لە دەستداوە".