مه‌ودا میدیا-

تورکیا خستنه‌خواره‌وه‌ى درۆنێكیان له‌ كه‌ركوك پشتڕاستده‌كاته‌وه‌ و وته‌بێژى وه‌زاره‌تى ده‌ره‌وه‌ى وه‌ڵاته‌كه‌ش رایده‌گه‌یه‌نێت "بۆ روونکردنەوە لەسەر رووداوه‌كه‌ى کەرکوك لەگەڵ لایەنى عیراقى گفتوگۆیان کردووە".

وەزارەتی دەرەوەی تورکیا رایگه‌یاند "ئه‌و درۆنەی لە کەرکووک، ئەمڕۆ خرایە خوارەوە درۆنى ئەوان  بووە و لێکۆڵینەوەی لەسەر دەکەن".

ئۆنجو کەچەلی، وتەبێژی وەزارەتی دەرەوەی تورکیا ئاشكراشیكرد "لەگەڵ عیراق ئیرادەیەکی هاوبەش و بەهێزیان هەیە و بەپێى یاساى نەتەوەیەکگرتووەکان لەناو خاکى عیراق رووبەڕووى تیرۆر دەبنەوە".

ئه‌مه‌ له‌ كاتێكدایه‌، به‌یانى ئەمڕۆ پێنجشەممە، درۆنێکی تورکیى له‌ پارێزگاى کەرکوک کەوتەخوارەوە.

پ ح ع