مه‌ودا میدیا-

له‌ ئێواره‌ى ئه‌مڕۆ شه‌ممه‌وه‌، ئاگرێكى فراوان شاخه‌كانى سنورى ناحیه‌ى بیاره‌ و گوندى گه‌چێنه‌ى گرتووه‌ته‌وه‌ و تا ئێستاش كۆنترۆڵ نه‌كراوه‌.

به‌پێى زانیارییه‌كانى مه‌ودا میدیا "ئه‌و ئاگره‌ به‌شێوه‌یه‌كى فراوان ته‌شه‌نه‌ى كردووه‌ و به‌هۆى ره‌شه‌با كۆنترۆڵكردنى له‌ ده‌ست ده‌رچووه‌".

له‌ئێستادا له‌ سنورى بیاره‌ به‌شێوه‌یه‌كى فراوان ئاگرى گرتووه‌ و تیمه‌كانى به‌رگرى شارستانی ناوچه‌كه‌ش ناتوانن كۆنترۆڵ بكه‌ن.

تا ئێستا هۆكارى كه‌وتنه‌وه‌ى ئاگره‌كه‌ دیار نییه‌، به‌ڵام سه‌دان دۆنم زه‌وى له‌ پوش و پاوان سوتاون، مه‌ترسى له‌سه‌ر باخ و ره‌زى هاوڵاتییانیش هه‌یه‌.

ع