مه‌ودا میدیا-

کەشناسیی هه‌رێم، پێشبینییەکانی کەشوهەوای بۆ ئەمڕۆ و سبەی بڵاوکردەوە و رایده‌گه‌یه‌نێت "خێرایی با کەمدەبێتەوە و پلەکانی گەرما نزم دەبنەوە".

بەڕێوەبەرایەتیی گشتیی کەشناسی و بومەلەرزەزانیی رایگه‌یاندووه‌ "ئەمڕۆ یەکشەممە، ئاسمان ساماڵ دەبێت و خێرایی با لە نێوان 10 بۆ 25 کیلۆمەتر لە کاتژمێرێکدا دەبێت لە ناوچە جیاوازەکانی هەرێم".

راشیگه‌یاندووه‌ "لە سلێمانی و کەرکوک و گەرمیان دەگاتە 35 کیلۆمەتر و لە نزیک ئێوارەوە خێراییەکەی کەمدەبێتەوە، وه‌ پلەکانی گەرما ئەمڕۆ 1 بۆ 2 پلەی سیلیزی نزم دەبنەوە".

له‌ باره‌ى سبەی دووشەممەشه‌وه‌، ئاماژه‌ى به‌وه‌كردووه‌ "ئاسمان ساماڵ دەبێت و پلەکانی گەرما کەمێک بەرز دەبنەوە، خێراى باش لەسەرخۆ و مامناوەند دەبێت لەنێوان 10 بۆ 20 کیلۆمەتر لە کاتژمێرێکدا".

پلەکانی گەرمای پێشبینیکراو بە پلەی سیلیزی:

هەولێر: 35

سلێمانی: 30

دهۆک: 36

کەرکوک: 37

هەڵەبجە: 34

زاخۆ: 36 

گەرمیان: 38 

حاجی ئۆمەران: 20 

سۆران: 31

پ ح ع