مەودا میدیا-

لە قه‌زای شێخان لە سنووری ناحیه‌ی زێلكانی، باوکێک و دوو كوڕ گیانیانله‌ده‌ستدا، قوربانییەکانیش خەڵکی ناحیەی کەلەکچین.

ئێوارەی ئەمرۆ دووشەممە، رووداوێکی هاتووچۆ لە نێوان دوو ئۆتۆمبێل لە جۆری گەڵابە و ئۆتۆمبێلێکی بچووک روویداوە، لەسەر رێگای بناری مەقلوب نزیك ناحیەی زێلكان، بەهۆیەوە سێ کەسی یەک خێزان گیانیانلەدەستدا.

 هاوکات، یەکێک لە قوربانییەکان مامۆستا بووە بە ناوی فوئاد کە سەرپەرشتیاری پەروەردەییە لە شێخان لەگەڵ دوو کوڕەکەی بەناوەکانی ئەحمەد و نێچیر.

بەپێی زانیارییەكان، لە ئێستادا بە مەبەستی ئەنجامدانی توێکاری بۆیان، تەرمەکانیان رەوانەی پزیشکی دادی دهۆک کراون.

م.ن