مه‌ودا میدیا-

کۆمیسیۆن داوا لە حزب و لایەنە سیاسییەکان دەکات، لە چوارچێوه‌ی به‌ڕێوه‌بردنى پرۆسه‌ى بانگەشەدا خۆیان لە بڵاوکردنەوەی بیری تووندڕه‌وه‌یی و رق و کینە و سووکایەتی بە بەربژێران و رکابەرەکانیان، بە دووربگرن.

لە راگەیەندراوێکدا کۆمیسیۆنی باڵای سەربەخۆی هەڵبژاردنەکانی عیراق رایگه‌یاندووه‌ "بەبۆنەى نزیکبوونەوەى رۆژی دەنگدان، داواى لە حیزب و هاوپەیمانییە سیاسی و بەربژێرەکانی بەشداربوو لە پرۆسەی هەڵبژاردن ده‌كات، پیشتیوانی کارەکانی کۆمیسیۆن و سەرخستنی هەڵبژاردنەکان بن".

له‌ راگه‌یه‌ندراوه‌كه‌دا داوای کردووە، پابەندى بنەماکانی رەوشتی هەڵبژاردن و رێوشوێنەکانی بانگەشەی هەڵبژاردن بن کە لەلایەن کۆمیسیۆنەوە دانراون.

كۆمیسیۆن، داوایکردووە، هەڵمەتەکانی بانگەشەی هەڵبژاردن لە وروژاندنی بیری تووندڕەوی و رق و کینە یاخود سوکایەتی بە بەربژێران و حیزبە رکابەرەکانیان، تاوەکو رۆژی دەنگدان و راگەیاندنی ئەنجامەکان دووربن.

ئه‌وه‌ش داوا دەکات، بۆ پێشکەشکردنی تانە و سکاڵای یاسایی  پەناببرێتە بەر رێگای یاسایی و لە کاردانەوە لەنێوان لایەنە رکابەرەکان خۆیان بەدوور بگرن.

كۆمیسیۆنی باڵای سەربەخۆی هەڵبژاردنەکانی عیراق ئه‌وه‌شى ئاشكرا كردووه‌، دوای پێشکەشکردنی تانەکان، بەگوێرەى رێنماییەکان کە لەلایەن کۆمیسیۆنەوە دیاریکراوە، بەشێوەیەکی بێلایەنانە تەماشا دەکرێن.

پ ح ع