مه‌ودا میدیا-

بەرگریی شارستانیی هەولێر له‌ باره‌ى كۆبوونه‌وه‌ى ئاو و دروستبوونى لافاو له‌ هه‌ندێك شوێنى شاره‌كه‌ هۆشدارى ده‌داته‌ هاوڵاتییان و داواش دەکات، ئۆتۆمبێل لەو شوێنانە رانەگرن كه‌ ساڵانی رابردوو لافاویان تێدا دروستبووە".
 
مقەدەم شاخەوان سەعید، وتەبێژی بەرگریی شارستانیی هەولێر ئاماژه‌ى به‌وه‌كرد "داوا له‌ شۆفێران و هاوڵاتییان دەکەین ئەو شوێنانەى ئاوى تێدا كۆده‌بێته‌وه‌ یان ئه‌گه‌رى دروستبوونى لافاوى هه‌یه‌، ئۆتۆمبێل رانەگرن و مەترسی له‌سه‌ر ژیانی خۆیان و ئۆتۆمبێلەکانیان دروستنه‌كه‌ن، تاوه‌کو ئەم شەپۆلی باران بارینە تەواو دەبێت".

وتیشى "شوێنانه‌كانیش دیارن كه‌ ساڵانە ئاویان تێدا کۆدەبێتەوە و ده‌ێته‌ هۆى لافاو، بەتایبەت پردی سەیداوە و گڵکەند".

راشیگه‌یاند "ئه‌وان ساڵانه‌ لە کاتی هاتنی شەپۆلی بارانبارین هۆشداری به‌ هاوڵاتییان ده‌ده‌ن و رێنوێنی بڵاودەکەنەوە بەتایبەت هه‌نێك لەو ناوچانە، بەداخەوە هاووڵاتیان پابەند نابن و ئۆتۆمبێله‌كانیان تێدا رادەگرن".

پ ح ع