مه‌ودا میدیا-

له‌باره‌ى پشووى سبه‌ینێوه‌ وەزارەتی خوێندنی باڵا ده‌ڵێت "بە رەچاوکردنى بارودۆخى کەشوهەواى ناوچە جیاجیاکانى هەرێمى کوردستان، دەسەڵات دەدرێت بە سەرۆکی زانکۆکان بۆ ئەوەى لە کاتى پێویستدا دەوام رابگرن".

لە راگەیەندراوێکدا وەزارەتی خوێندنی باڵا و توێژینەوەی زانستیی حكومه‌تى هەرێمی کوردستان رایگه‌یاندووه‌ "دامەزراوەکانی کەشناسى و بوومەلەرزەى هەرێمى کوردستان هۆشداری دەدەن لەبارەى شەپۆڵێکى بارانبارینى بەلێزمە و هەورەبرووسکە".

ئه‌وه‌ش هاتووه‌ "لەسەر فەرمانى ئارام محمد، وەزیرى خوێندنى باڵا و توێژینەوەى زانستى بە رەچاوکردنى بارودۆخى کەشوهەواى ناوچە جیاجیاکانى هەرێمى کوردستان، دەسەڵات دەدرێت بە سەرۆکی زانکۆکان بۆ ئەوەى لە کاتى پێویستدا دەوام رابگرن".

ئاماژه‌ى به‌وه‌شكردووه‌ "ئەو بڕیارە لەپێناو پاراستنى سەلامەتیی گیانى خوێندکاران و قوتابیان و مامۆستایان و فەرمانبەرانى دامەزراوەکانى خوێندنى باڵا لە هەردوو کەرتى گشتى و تایبەت دراوە".

پ ح ع