مەودا میدیا-

بەرەبەیانی ئەمڕۆ 2024/11/4، پۆلیسی تورکیا هەڵیکوتایە سەر شارەوانییەکانی (مێردین، ئێلح و خەلفەتی) لە باکووری کوردستان و قەیومی دانا و بۆ ماوەی 10 رۆژ ئەنجامدانی هەموو جۆرە چالاکییەک و خۆپیشاندانی لە مێردین قەدەغە کرد.

ئەحمەد تورک، هاوسەرۆکی شارەوانی مێردین رایگەیاند  "کە هێزێکی زۆری ئەمنی  گەمارۆی باڵەخانەی شارەوانی مێردین-یان، داوەو راستەوخۆ (قەیوم) کەسێکی راسپێردراوی ئەردۆغان-یان لە جێگەکەی داناوە".

لە شارەوانیش خەلفەتی رحاش،  پۆلیس هەڵیکوتایە سەر باڵەخانەی شارەوانی و (محەمەد قەرەیلان)، هاوسەرۆکی شارەوانییەکەیان دەستبەسەر کردووە، دواتریش پۆلیس هەڵیکوتایە سەر جۆلەمێرگ و قەیومی لە جێگەی سەرۆکی هەڵبژێردراوی شارەوانی هەکاری دانا.

ئەمە لە کاتێکدایە،مانگی ئاداری ئەمساڵ هەڵبژاردنی شارەوانییەکانی باکووری کوردستان و تورکیا بەڕێوەچوو، کورد سەرکەوتنی گەورەی بەدەستهێنا، دەم پارتی سەرۆکایەتی تەواوی شارەوانییەکانی باکووری کوردستانی بردەوە.

ب ح