مەودا میدیا-

بافڵ جەلال تاڵەبانی سەرۆکی یەکێتیی نیشتمانیی کوردستان بەبۆنەی دووبارە هەڵبژاردنەوەی بەسەرۆكی ئەمەریكا پیرۆزبایی لە دۆناڵد ترەمپ دەكات.

بافڵ جەلال تاڵەبانی، لە هەژماری تایبەتی خۆی لە تۆڕی ئێکس پەیامێکی پیرۆزبایی ئاڕاستەی دۆناڵد ترەمپ کردووەو رایگەیاندووە "ئومێدەوارین پەیوەندییەكانمان پەرەپێبدەین لەپێناو بەرەوپێشبردنی سەقامگیری و خۆشگوزەرانی".

ئاماژەی بەوەشکردووە "هەرێمی كوردستان و ئەمەریكا پەیوەندییەكی بەهێزیان هەیە، كە رەگ و ڕیشەی لە بەها هاوبەشەكانی پابەندبوون بە سەقامگیری و ئاشتی لە جیهاندا هەیە".

 باسی لەوەشکردووە "بەوپەڕی خۆشحاڵییەوە چاوەڕێی بەردەوامبوون و بەهێزكردنی هاوبەشیان دەكەن، بۆ بەرەوپێشبردنی ئاسایش و خۆشگوزەرانی".

ب ح