مه‌ودا میدیا-

ئێواره‌ى ئه‌مڕۆ یه‌كشه‌ممه‌، درۆنى توركیا بۆردوومانى ئۆتۆمبێلى كرد و به‌هۆیه‌وه‌ چه‌ند كه‌سێك گیانیان له‌ ده‌ستداوه‌.

بەگوێرەی زانیارییە سەرەتاییەکان "لە ئەنجامی بۆردوومانەکەی تورکیا بۆ سه‌ر تۆتۆمبێلێكى جۆری ساڵۆن قه‌مه‌ره‌ به‌ ته‌واوی سوتاوە".

له‌ناو ئۆتۆمبێله‌كه‌ دوو سەرنیشینی بە تەواوی سوتاون و گیانیان لەدەستداوە، بەڵام تائێستا ناسنامەکانیان ئاشکرانەکراوە و بەهۆی زۆری رێژەی سوتاوییەکەیان تەرمی ئەو دوو کەسە نەناسراونەتەوە.

به‌پێى زانیارییه‌كان ئه‌و دوو كه‌سه‌ سه‌ر به‌ پارتى كرێكارانى كوردستان بوو، ئه‌وه‌ش له‌ كاتێكدایه‌ رۆژى رابردوو ئۆتۆمبێلێكى تر بۆردوومانكرا.

ع