مه‌ودا میدیا-

کەشناسی هەرێم پێشبینییه‌كانى كه‌شوهه‌واى بۆ ئەمڕۆ و سبه‌ینێ بڵاوكرده‌وه‌ و رایده‌گه‌یه‌نێت "ئاسمان نیمچە هەور دەبێت و ئەگەری نمەباران هەیە، پلەکانی گەرماش روو لە بەرزبوونەوە دەکەن".

بەڕێوەبەرایەتیی گشتیی کەشناسی و بوومه‌له‌رزه‌زانیی هەرێمى كوردستان بڵاویكردووه‌ته‌وه‌ "ئەمڕۆ سێشەممە ئاسمان نیمچەهەور دەبێت لە هەندێ ناوچە دەگۆڕێت بۆ هەورى تەواو لەگەڵ بارینى نمەباران لەناوچە شاخاوییەکانی سنووری رۆژهەڵاتى هەرێم".

راشیگه‌یاندووه‌ "پلەکانی گەرما کەمێک بەرز دەبنەوە بەراورد بە تۆمارکراوەکانى دوێنێ".

له‌ باره‌ى كه‌شى سبەینێ چوارشەممەشه‌وه‌، ئاشكرایكردووه‌ "ئاسمان ساماڵ و پەڵەهەور دەبێت لە ناوچە شاخاوییەکان نیمچەهەوردەبێت، پلەکانی گەرما نزیک دەبنەوە بەراورد بە تۆمارکراوەکانى ئەمڕۆ".

بەرزترین پلەکانی گەرمای پێشبینیکراو بە پلەی سیلیزی:

هەولێر: 22 پلەى سیلیزى

سلێمانی: 21 پلەى سیلیزى

دهۆک: 20 پلەى سیلیزى

کەرکوک: 27 پلەى سیلیزى

هەڵەبجە: 22 پلەى سیلیزى

زاخۆ: 21 پلەى سیلیزى

حاجی ئۆمەران: 11 پلەى سیلیزى

سۆران: 17 پلەى سیلیزى

گەرمیان: 26 پلەى سیلیزى

پ ح ع