مەودا میدیا-

وەزارەتی ناوخۆی بەریتانیا رایگەیاند "بۆ رێگری لە کۆچی نایاسایی ریککەوتنی لەگەڵ عیراق و هەرێمی کوردستان واژۆ کردووە".

ئاماژەی بۆ ئەوەشکرد "لەبەرانبەر رێگریی لە کۆچی نایاسایی بڕی 200 هەزار پاوەند دەداتە حکومەتی هەرێمی کوردستان و تیمێکی نوی  لە هەرێم پێکدەهێنێت".
 
ئەوەشی خستەروو "بۆ بەهێزکردنی توانای هێزە ئەمنییەکان لە رووبەڕووبوونەوەی قاچاخچیی و تۆڕەکانی  بازرگانیی بە مرۆڤ، راهێنانی ئەمنیی پاراستنی سنوور بڕی 300 هەزار پاوەند بە عیراق دەدەن".

ئیڤێت کووپەر، وەزیری ناوخۆی بەریتانیا رایگەیاند: "رێککەوتنەکەیان لەگەڵ عیراق و هەرێمی کوردستان ئاماژەیەکی روونە بۆ قاچاخچییەکان کە لە سەرانسەریی جیهان بەدوایانەوە دەبن".

ئەمە لە کاتێکدایە، ساڵانە ژمارەیەکی زۆر لە گەنجانی عیراق و هەرێمی کوردستان وەک کۆچبەر روو لە بەریتانیا و وڵاتانی ئەوروپا دەکەن ، حکومەتی هەرێمیش پێشوەختە ئامادەیی خۆی بۆ سەرخستنی پڕۆژەکەی بەریتانیا بۆ رێگریی لە کۆچی نایاسایی دەربڕی.

ب ح