مه‌ودا میدیا-

رێبه‌رى باڵاى ئێران له‌باره‌ى دۆخى سووریاو كه‌وتنى به‌شار ئه‌سه‌د په‌یامێكى بڵاوكرده‌وه‌ و رایگه‌یاند، ئه‌وه‌ى له‌ سووریا روویدا ئه‌مه‌ریكاو ئیسرائیلى له‌پشت بوو.

ئایەتوڵڵا عه‌لى خامنەیی، رێبه‌رى باڵاى ئێران رایگه‌یاند "ئه‌وه‌ى له‌ سووریا روویداو به‌هۆیه‌وه‌ به‌شار ئه‌سه‌د رووخاو و كه‌وت، گومانى تێدا نییه‌ كه‌ ده‌ستى ئه‌مه‌ریكا و ئیسرائیلى له‌پشت بوو".

وتیشى "پلانه‌كه‌ له‌ ژوورى فه‌رمانده‌یی ئه‌مه‌ریكا و ئیسرائیل داڕێژرابوو، نابێت گومان لەوەدا هەبێت کە ئەوەی لە سووریا روویدا بەرهەمی پلانی هاوبەشی ئه‌و دوو وڵاته‌یه‌".

ئه‌وه‌شى خسته‌ڕوو "حکومەتێکی دراوسێی سووریا لەم بوارەدا رۆڵێکی ئاشکرای بینیوە، ئێستاش دەیگێڕێت، هەمووان دەتوانن ئەمە ببینن، بەڵام بریکاری سەرەکی پیلانگێڕ و داڕێژەری سەرەکی ئه‌و دوو وڵاته‌ن".

ع