مەودا میدیا-

فاتیح ئەربەکان، سەرۆکی حزبی  رەفاهی توركیا رایگەیاند "دڵخۆشن بە رووخانی دەسەڵاتی بەشار ئەسەد، بەڵام دابەشبوونی سوریا، وڵاتانی ئێران و تورکیاش دابەش دەبن".

ئاماژەی بۆ ئەوەشکرد "ویستی ئەمریکا و ئیسرائیل ئەوەیە هاوشێوەی عیراق، سوریا دابەشبکەن و دەوڵەتێک بۆ کورد دروستبکەن و ئامانجەكەش توركیایە".

ئەوەشی خستەڕوو "لەئێستادا ئیسرائیل ناوچەکانی جۆلانی داگیرکردوە، بەوەش دەتوانێت بۆردومانی بەیروت و دیمەشق بکات".

باسی لەوەشکرد "پێویستە بەرانبەر ئەم پیلانانە وریا بن، ئەگەر سوریا هاوشێوەی عیراق دابەش ببێت، ئەوکات ئێران و تورکیاش دابەش دەکرێن".

ئەمە لە کاتێکدایە، (نەجمەدین ئەربەکان) سەرۆك وەزیرانی پێشووتری توركیا لە ساڵانی نێوان 1996-1997، باوکی فاتیح ئەربەکانی ئێستا، ئەوکات رایگەیاندبوو ئەگەر رۆژێک ئەمریکاو ئیسرائیل بچنەناو سوریا، تێبگەن کە ئامانجەكە تورکیایە.

ب ح