مەودا میدیا-

سەرکردە سوننەکانی عیراق، کە پێکهاتوون لە هەر یەک لە مەحمود مەشهەدانی، ئوسامە نوجەیفی، ئەیاد سامەڕائی، سەلیم جبووری، ساڵح موتلەگ و حاچم ئەلحەسەنی، بەیاننامەیەکی هاوبەشیان لەبارەی دۆخی ئەمنیی عیراق و رووداوەکانی سوریا بڵاوکردەوە.

رایانگەیاند "هەر هەوڵێک بۆ سەرهەڵدانەوەی تیرۆر لە دەورەوەی وڵاتەوە دەدرێت، بەڵام خۆشبەختانە تیرۆر لە عیراقدا بەتەواوەتی پشتیوانیی جەماوەری لەدەستداوە".

ئاماژەیان بۆ ئەوەشکردووە "پێویستە بەزووترین کات پەلە بکرێت لە پڕکردنەوەی هەر بۆشاییەک کە ببێتە هۆی سەرهەڵدانەوە و گەڕانەوەی تیرۆریستان بۆ عیراق". 

ئەوەشیان خستووەتەڕوو "کە ئەوان هەوڵ بۆ بونیادنانى عیراقێکى بەهێز و سەربەخۆ دوور لە کاریگەریى و پاشکۆیەتی دەرەکیی دەدەن".

ب ح