مەودا میدیا-

ئه‌حمه‌د شه‌رع، فەرماندەی گشتیی تەحریر شام رایگەیاند "سوریا لە شەڕدا ماندوو بووە و مەترسی بۆ سەر دراوسێکانی و رۆژئاوا دروست ناکات و سوریا کۆپی ئەفغانستان نییە".

ئاماژەی بۆ ئەوەشکرد "پێویستە  ئەو سزایانەی بەسەر سوریادا سەپێندراون هەڵبگیرێن و  ناوی تەحریر شامیش لە لیستی تیرۆر دەربهێندرێت".

ئەوەشی خستەڕوو "سوریا نابێتە کۆپی ئەفغانستان  و ئەو دوو وڵاتە زۆر جیاوازن و نەریتی جیاوازیان هەیە و ئەفغانستان کۆمەڵگەیەکی خێڵەکییە، سوریاش عەقڵیەتێکی جیاوازی هەیە".

ئەمەش لە کاتێکدایە، رۆژی 2024/12/8، گرووپی تەحریر شام لە هێرشێکی بەرفراواندا بە هاوکاریی وڵاتانی هەرێمی و نێودەوڵەتی کۆتاییان بە دەسەڵاتی بەشار ئەسەد هێنا.

ب ح