مه‌ودا میدیا-

سەرۆکی کومیتەی جێبەجێکاری بزووتنەوەیەکی مەدەنی لە عیراق سەبارەت بە دابەش کردنی سوریا بۆ چەند وڵاتی بچووک هۆشداریدا.

حسێن ئەلکرعاوی، سەرۆکی کومیتەی جێبەجێکاری بزووتنەوەی مه‌ده‌نى لە عیراق رایگه‌یاند "گۆڕانکارییەکانی ئێستای سوریا وەکو ئەو پێکدادانەیە کە لە سیناریۆی ساڵی 2003 لە عیراق روویدا"

وتیشى "ئەو بابەتە هەر لە سەرەتاوە پێش بینی دەکرا بەتایبەتی ئەوەی کە ئەو لایەنانە کە پاڵپشتیان کرد لە رووخانی دەسەڵاتی سوریا لە پشت پیلانێکەوەن".

باسى له‌وه‌شكرد "بە پێی ئەو پیلانە بڕیارە سوریا لە ناوخۆوە دابەش بکرێت و بەرەو ئاسایی کردنەوەی په‌یوەندی لەگەڵ ئیسرائیل بڕوات، ئەوە هەمان ئامانجێکە کە ته‌لئه‌بیب و واشنتۆن دەمێکە بەدوای بەدیهێنانین".

ئه‌وه‌شى ئاشكرا كرد "دابەشکردنی سوریا بۆ سەر سێ وڵات لەوانەیە هەر ئێستا روونەدات بەڵام جێبەجێ کردنی لە داهاتوودا لە ئارادایە".

ع