مه‌ودا میدیا-

بڕیار وایه‌ هه‌فته‌ى داهاتوو، سەرۆک وەزیرانی عیراق سەفەری تاران بکات و له‌گه‌ڵ به‌رپرسه‌ بالاكانى حكومه‌تى ئێران و رێبه‌رى باڵاى كۆمارى ئیسلامیی ئێران كۆببێته‌وه‌.

میدیا ئێرانییه‌كان بڵاویانكرده‌وه‌ "محەمەد شیاع سودانی، سه‌رۆك وه‌زیرانى عیراق کۆتاییەکانی هەفتەی داهاتوو سەفەری تاران دەکات و له‌گه‌ڵ به‌رپرسانى حكومه‌تى ئه‌و وڵاته‌و ئایه‌توڵڵا عه‌لى خامنه‌یی، رێبه‌رى باڵاى كۆمارى ئیسلامیی ئێران كۆده‌بێته‌وه‌".

باس له‌وه‌شكراوه‌ "سه‌ردانه‌كه‌ى سودانى له‌باره‌ى دۆخى ناوچه‌ و گفتوگۆى دواى كه‌وتنى به‌شار ئه‌سه‌د ده‌بێت، هه‌روه‌ها ئارامى عێراق و گروپه‌ چه‌كداره‌كان".

له‌ دواى سه‌ردانه‌كه‌ى بۆ ئێران، بڕیار وایه‌ سه‌ردانى قه‌ته‌ریش بكات و له‌گه‌ڵ به‌رپرسانى ئه‌و وڵاته‌ش كۆببێته‌وه‌.

ع