مه‌ودا میدیا-

پاسپۆرتی هەولێر هاوڵاتییان ئاگاداردەکاتەوە و دەڵێت، مامەڵەی پاسپۆرتی جۆری A وەستاوە و كار بۆ هاوڵاتییان ناكرێت.

بەڕێوەبەرایەتیی پاسپۆرتی هەولێر بڵاویكرده‌ووه‌ "هاوڵاتییان ئاگاداردەکەینەوە کە وەرگرتنی مامەڵەی پاسپۆرتی جۆری A لە سیستەمی کۆن وەستاوە و لە ئێستادا تەنها دەتوانن مامەڵەی پاسپۆرتی نوێ جۆری B لە بەڕێوەبەرایەتییەکە ئەنجام بدەن".

باس له‌وه‌شكراوه‌ "ئەو هاوڵاتییانەی کە لە ماوەی رابردوودا، پەنجەمۆریان کردووە و تەنها وەرگرتنەوەیان مابووەوە لە پاسپۆرتی جۆری A  دەتوانن سەردانمان بکەن بۆ وەرگرتنەوەی پاسپۆرتەکانیان".

ئه‌وه‌ش خراوه‌ته‌ڕوو "دانەوەی پاسپۆرتی جۆری A لە بەرێوەبەرایەتیی پاسپۆرتی پارێزگای هەولێر دەبێت لە رۆژانی دەوامی فەرمی، کە دەکەویتە گەرەکی 32 پارک پشت بەشی مۆڵەتی هاتوچۆی هەولێر".

ع