مه‌ودا میدیا-

بڕیاره‌ سه‌ره‌تاى هه‌فته‌ى داهاتوو، مامۆستایان و فه‌رمانبه‌رانى ناڕازى له‌ هه‌ولێر خۆپیشاندانى فراوان ئه‌نجامبده‌ن.

ئه‌نجومه‌نى مامۆستایان و فه‌رمانبه‌رانى ناڕازى بڵاویكرده‌وه‌ "ئه‌گه‌ر تا دوو رۆژى داهاتوو وه‌ڵامى داواكاریی مامۆستایان نه‌درێته‌وه‌، سه‌ره‌تاى هه‌فته‌ى داهاتوو و به‌ دیاریكراوى رۆژى یه‌كشه‌ممه‌، خۆپیشاندانى فراوان له‌ هه‌ولێر ئه‌نجامده‌ده‌ین".

لاى خۆیه‌وه‌ سامان عه‌لى، ئه‌ندامى ده‌سته‌ى داكۆكى له‌ مامۆستایان و فه‌رمانبه‌رانى ناڕازى به‌ مه‌ودا میدیاى راگه‌یاند "خۆپیشاندان ده‌به‌ینه‌ هه‌ولێر و له‌وێوه‌ داواى مافى خۆمان ده‌كه‌ین".

وتیشى "كاتى ئه‌وه‌ هاتووه‌ مامۆستایان و فه‌رمانبه‌رانى هه‌ولێر ئه‌و سته‌مه‌ ره‌تبكه‌نه‌وه‌ و چیتر له‌به‌رانبه‌ر نه‌دانى مافى خۆیان بێده‌نگ نه‌بن".

ئه‌وه‌ش له‌كاتێكدایه‌ ماوه‌ى هه‌شت رۆژه‌ ژماره‌یه‌ك مامۆستاو فه‌رمانبه‌رى سلێمانى مانیان له‌ خواردن گرتووه‌ و ته‌ندروستییان باش نییه‌.

ع