مه‌ودا میدیا-

وته‌بێژى یه‌كێتیی خانه‌نشینانى هه‌رێم رایگه‌یاند، بۆ مانگى ته‌واوى خانه‌نشینانى هه‌رێم به‌ هاوتاكراوى مووچه‌كانیان وه‌رده‌گرن.

سادق عوسمان، وته‌بێژى یه‌كێتیی خانه‌نشینانى هه‌رێم به‌ مه‌ودا میدیاى راگه‌یاند "بۆ مووچه‌ى مانگى دووى ئه‌مساڵ، ته‌واوى خانه‌نشینانى هه‌رێم به‌ هاوتاكراوى مووچه‌كانیان وه‌رده‌گرن".

وتیشى "لیستى مووچه‌ى مانگى دوو به‌ هاوتاكراوى ئاماده‌كراوه‌ و خۆشبه‌ختانه‌ رێككه‌وتنكراو و هه‌موویان مووچه‌كانیان به‌ هاوتا وه‌رده‌گرن".

ئه‌وه‌ش له‌كاتێكدایه‌ له‌ ماوه‌ى رابردوو ژماره‌یه‌ك له‌ خانه‌نشینانى هه‌رێم به‌ هاوتاكراوى مووچه‌كانیان وه‌گرت.

ع