مه‌ودا میدیا-

به‌ڕێوه‌به‌رایه‌تیی پۆلیسى دارستانى سلێمانى بڵاویكرده‌وه‌، كارگه‌یه‌ك و دوو كۆمپانیا كه‌ هۆكارى پیسبوونى ژینگه‌ى ناوچه‌كه‌بوون له‌ عه‌ربه‌ت دراونه‌ته‌ دادگا.

لە راگەیەنراوێكی پۆلیسی دارستانی سلێمانی هاتووە "ماوەیەكە بەهۆی ئەو بۆنەی كە لە هەوادا بڵاوبووەتەوە و بووەتە هۆی بێزاركردنی دانیشتووانی سنوورەكانی قەزای هەڵەبجەی تازە و شارەدێیەكانی عەربەت و زەڕایەن و دەوروبەریان، بەگشتیی هاوڵاتییان سكاڵایان هەیە و نیگەرانن".

باس له‌وه‌شكراوه‌ "لەلایەن مەفرەزەكانی بنكەی پۆلیسی دارستانی عەربەت، بەدواداچوون بۆ ئەو دۆسیەیە كرا و لە ئەنجامدا توانرا كارگەیەك و دوو كۆمپانیای سووتەمەنی رووبەڕووی دادگا بكەنەوە".

هه‌روه‌ها "ئێستە پەراوی لێكۆڵینەوەیان بۆ رێكخراوە لە بنكەی پۆلیسی دارستان و ژینگەی عەربەت، بۆ وەرگرتنی رێكاری یاسایی و كێشەكە لە ژێر لێكۆڵینەوەدایە".

ع