مه‌ودا میدیا-

سه‌رۆكى كۆمه‌ڵه‌ى په‌نابه‌ره‌ گه‌ڕاوه‌كان رایده‌گه‌یه‌نێت "له‌ ئێستادا وڵاتانى ئه‌وروپا پێویستیان به‌ هێزى كاره‌ و ئه‌وه‌ش خاڵێكى جه‌وهه‌رییه‌ و چاره‌نووسى په‌ناخوازان و په‌نابه‌رانى رووه‌و ئاراسته‌یه‌كى باش بردووه‌".

به‌كر بابانى، سه‌رۆكى كۆمه‌ڵه‌ى په‌نابه‌ره‌ گه‌ڕاوه‌كان بۆ مه‌ودا میدیا رایگه‌یاند "ته‌واوى ئه‌وروپا له‌ ئێستادا پێویستیان به‌ هێزى كاره‌ و ئه‌وه‌ش یه‌كێكه‌ له‌ خاڵه‌ جه‌وهه‌رێكان كه ‌وڵاتانى ئه‌وروپا كۆكن له‌ سه‌ر ئه‌وه‌ى بڕیارى یه‌كلاكه‌ره‌وه‌ نه‌ده‌ن بۆ ناردنه‌وه‌ى په‌نابه‌ر یاخود سنووره‌كانیان به‌ شێوازێك كۆنترۆڵ بكه‌ن په‌ناخواز نه‌توانێت داخڵ به‌ وڵاته‌كانیان بێت".

وتیشى "گومانى تێدانییه‌ ئه‌گه‌ر مه‌به‌ستیان بێت ئه‌وه‌ ده‌كه‌ن، له‌م سه‌رده‌مى‌ پێشكه‌وتنه‌دا له‌ رێگه‌ى درۆن و پاسه‌وانى سنوور و ده‌ریاوانى زۆر به‌ ئاسانى ده‌توانن كۆنترۆڵى یه‌كجارى بكه‌ن".

روونیشیكرده‌وه‌ "به‌ڵام هه‌ر ده‌روازه‌یه‌ك ده‌كه‌نه‌وه‌ به‌ رووى په‌ناخوازاندا له‌به‌ر ئه‌وه‌ى پێویستیانه، ئه‌وه‌ش به‌ دیوێكى تر چاره‌نووسیان رووه‌و باشه‌یه‌".

پ ح ع