مەودا میدیا-

دوای ئەوەی لە ماوەی رابردوو ئاژانسی رۆیتەرز هەواڵێكی بڵاوكردەوە لەسەر نهێنی تووشبووانی كۆرۆنا لە عیراق، بە فەرمی كارەكانی ئەو ئاژانسە راگیران.

لیژنەی راگەیاندن و پەیوەندییەكانی عیراق ئەوەی ئاشكراكردوە "كارەكانی ئەو ئاژانسە بۆ ماوەی سێ مانگ رادەگیرێن و بڕی غەرامەكەشی 25 ملیۆن دینار دەبێت".

ئاژانسەكە لە هەواڵەكەیدا پێشتر باسی لەوەكردبوو كە ژمارەی تووشبوون و گیان لە دەستدان بە كۆرۆنا لە عیراق زۆر زیاترە لەو ژمارەی كە ئاشكراكراوە و بەو هۆیەوە بڕیاری راگرتنی كارەكانی دراوە.