مەودا میدیا-

ئه‌نجومه‌نی ئاسایشی نێودەڵەتیی له‌باره‌ی دۆخی سوریاوه‌ هۆشداریی ده‌دات و کۆمەڵکوژییەکان لە پارێزگاکانی تەرتوس و لازقییە لە کەناراوەکانی ئەو وڵاتە ئیدانە دەکات.

کەناڵی فەڕەنسی 24 بڵاویکردەوە "ئەنجومەنی ئاسایشی سەربە نەتەوەیەكگرتووەكان  كۆمەڵكوژیی عەلەوییەكان لە كەناراوەكانی سووریا ئیدانە دەكات و  بەیاننامەیەكیشی ئامادەكردووە و ئەمڕۆ بە كۆی دەنگ بە فەرمی پەسەند دەكرێت".

ئاماژەی بۆ ئەوەشکرد "كەناراوەكانی سوریا كە زۆرینەی مەزهەبی عەلەوییەكان تێیدا دەژین، لە 3/6وە لەلایەن چەكدارانی جۆلانییەوە رووبەڕووی كۆمەڵكوژی بوونەتەوە".

ئەوەشی خستووتەڕوو "پێویستە ده‌سه‌ڵاتی راگوزه‌ری سوریا  لێپرسینه‌وه‌ له‌ ئه‌نجامده‌رانی كوشتنی به‌كۆمه‌ڵ بكات و به‌بێ گوێدانه‌ نه‌ته‌وه‌ و ئایین سەرجەم سورییەکان بپارێزێت".

ب ح