مه‌ودا میدیا-

پێكهێنانى كابینه‌ى ده‌یه‌مى حكومه‌تى هه‌رێمى كوردستان نزیكبووه‌ته‌وه‌ و له‌ ئێستادا كێشه‌یه‌كى ئه‌وتۆ له‌نێوان یه‌كێتیى نیشتمانیی كوردستان و پارتى دیموكراتى كوردستان نه‌ماوه‌.

سه‌رچاوه‌یه‌كى باڵاى حزبى به‌ مه‌ودا میدیاى راگه‌یاند "هیچ گرفتێكى گه‌وره‌ له‌نێوان یه‌كێتى و پارتى بۆ پێكهێنانى حكومه‌تى نوێى هه‌رێمى كوردستان نه‌ماوه‌ و هه‌ردوولا گه‌یشتوونه‌ته‌ خاڵى كۆتایی".

وتیشى "چاوه‌ڕوان ده‌كرێت له‌ ئاینده‌یه‌كى نزیكدا پێكه‌وه‌ هه‌ردوو شاندى باڵاى حزب كۆنگره‌یه‌كى رۆژنامه‌نوسى بكه‌ن و رێككه‌وتن رابگه‌یه‌نن".

ئه‌و سه‌رچاوه‌یه‌ ئه‌وه‌شى خسته‌ڕوو "پارتى رازى بووه‌ به‌ داواكارییه‌كانى یه‌كێتى، به‌تایبه‌ت له‌سه‌ر ئه‌وه‌ى له‌كابینه‌ى داهاتوو یه‌كێتى به‌شدارى راسته‌وخۆ بێت له‌ بڕیارو خاوه‌ن ده‌سه‌ڵات بێت".

ع