مەودا میدیا-

رابەری سەلەفییەکان لە کوردستان و عیراق ئاشکرایکرد "ئیخوان سیاسەتی دووفاقی پەیڕوە دەکات و ئەگەر دەستیان هەبێت سەری خەڵک دەبڕن، نموونەش لە غەززە ، ئەو خەڵکانەی لەگەڵ حەماس نین کراون بە بارمتە و لەلایەن چەکدارەکانیانەوە دەچەوسێندرێنەوە، ئەوان موسڵمانانی دەرەوەی خۆیان بە کافر دەزانن. قۆناغی دوای کافر بوونیش حکومی کوشتنە".

د.عەبدوللەتیف ئەحمەد، رابەری سەلەفییەکان لە کوردستان و عیراق رایگەیاند "سەردانی سەرکردەکانی خۆیان بۆ لای بەرپرسانی یەکێتی و پارتی رەوایە و لایەنگر و راگەیاندنەکانیان بە خێر بۆ میللەت بڵاویدەکەنەوە، بەڵام سەردانی ئەویان بۆ لای سەرکردە و بەرپرسانی هەرێم بە عەمیل بەکرێکراو نابردووە".

ئاماژەی بۆ ئەوەشکرد "هەرچی زانای ئەهلی سوننەیە کە لەگەڵ  کارەکانی ئیخوان نییە بە پیاوی ئیسرائیل و سەیهۆنی دەزانن ، میانڕەوی ئەوان تاوەکو ئەو سنوورەیە هاوسۆزبیت لەگەڵیان، بە نموونە د.عەلی قەردەغی لە قەتەر هاتەوەو سەردانی هەموو سەرکردە و بەرپرسانی کرد و ئیخوانییەکان رایانگەیاند ئەم سەردانانەی جەنابی دکتۆر حیکمەتی تێدایە". 

ب ح