مەودا میدیا-
بەپێی ئەو زانیارییانەی لە لیژنەی دارایی پەرلەمانی عیراقەوە بڵاوكراوەتەوە، لیژنەی نەزاهەی پەرلەمانی عیراق بڕیاریداوە بانگهێشتی فوئاد حوسێن، وەزیری دەرەوە بكات لەبارەی دۆسیەی ساختەكاری و دەستكاریكردنی موڵكی دەوڵەت. 

سەرچاوەیەك لە لیژنەی دارایی پەرلەمانی عیراق رایگەیاندووە"لیژنەی نەزاهە بڕیاریداوە بانگهێشتی وەزیری دەرەوەی عیراق و بەرێوەبەری نووسینگەكەی بكات لە بارەی چەند دۆسیەیەكی تایبەت بە وەزارەتی دەرەوە لەوانەش بابەتی دزەپێكردنی بەڵگە و سەرپێچی دیكە".

باسی لەوەشكردووە"ئەو دۆسیانەی كە وەزیری دەرەوەی لەسەر بانگ دەكرێت پەیوەستە بە بوونی بەڵگەی ساختە و دەستكاریكردنی موڵكی دەوڵەت و لەو بارەیەشەوە لێكۆڵینەوەی لەگەڵ دەكرێت".

ئاماژەی بۆ ئەوەشكردووە" هێشتا دیار نییە كەی وەزیری دەرەوە بانگهێشت دەكرێت، بەڵام بڕیاری بانگهێشتكردنەكەی دەرچووە". 
ئ پ