مەودا میدیا-

ئەمڕۆ هاوپه‌یمانی نێوده‌وڵه‌تی دژی داعش به‌ سه‌رۆكایه‌تی ئه‌مه‌ریكا گیان لەدەستدانی سه‌ربازێكیانی له‌ هه‌ولێر راگەیاند، بەڵام ناسنامە و پلەی سەربازەکە ئاشکرا نەکراوە.

هاوپه‌یمانی نێوده‌وڵه‌تی دژی داعش به‌ سه‌رۆكایه‌تی ئه‌مه‌ریكا لە راگەیاندراوێکدا بڵاویکردەوە، کە سەربازێکیان لە شاری هەولێر گیانی لەدەستداوە ئاماژە بەوەشکراوە "هۆكاری مردنه‌كه‌ی كرده‌ی سه‌ربازی نه‌بووه‌، هەروەها‌ گومانی تووشبوونی كۆرۆناشی لێ ناكرێت".

لە راگەیاندراوەکەدا ئەوەشخراوەتەڕوو "ناسنامه‌ و ناو و پله‌ی ئه‌و سه‌ربازه‌ بڵاوناكه‌ینه‌وه‌، تا ئه‌و كاته‌ی له‌لایه‌ن ئه‌ندامانی خێزانه‌كه‌ی رێگه‌ بە بڵاوکردنەوەی دەدرێت".