مەودا میدیا-

بەپێی نوسراوێكی خۆبەڕێوەبەری رۆژئاوای كوردستان بەبۆنەی جەژنی رەمەزانەوە هەر فەرمانبەرێك بڕێك پارەی وەك جەژنانە دەدرێتێ.

لە نوسراوێكی ئیدارەی خۆ بەڕێوەبەری باكور و رۆژهەڵاتی سوریا هاتووە "بەبۆنەی هاتنی جەژنی رەمەزانەوە هەر فەرمانبەرێك بڕی 25 هەزار لیرەی سوری پێدەدرێت وەك جەژنانە".

هەروەها "لە ئەمڕۆوە ئەو بڕیارە چووەتە بواری جێبەجێكردنەوە و هەموو فەرمانبەرانی رۆژئاوای كوردستان تا جەژن ئەو پارەیە وەردەگرن".

فەتحوڵا حسێنی، ئەندامی نوێنەرایەتی رۆژهەڵات و باكوری سوریا بە مەودا میدیای راگەیاند "ئەو بڕیارە ئەمڕۆ دەرچووە و هەموو فەرمانبەرانی رۆژئاوا دەگرێتەوە و ئەو پارەیە وەردەگرن".