مەودا میدیا- 

پێگەی تویتەر ئاشكرایكرد 32 هەزار و 242 هەژماری ئەو تۆرە كۆمەڵایەتیەی داخستووە كە هەزارانیان لە توركیان، ئەویش بەهۆی پێشێلكردنی رێسا و سیاسەتەكانی تایبەت بەو تۆڕە كۆمەڵایەتییە.

تویتەر لە بەیاننامەیەكدا ئاماژەی بەوەشكردووە: لەو هەژمارانەی دایخستوون، حەوت هەزار و 340 یان لە توركیان، كە پێكەوە چالاكییان ئەنجامداوە و هەماهەنگیی لەنێوانیان هەبووە، بەتایبەتیش نەیارەكانی رەجەب تەیب ئەردۆغان سەرۆك كۆماری توركیایان كردووەتە ئامانج.

تویتەر بە پشت بەستن بە پسپۆڕە هونەری و چاودێرەكانی تۆرەكەی، ئاشكرایكردووە: ئەو هەژمارانە ساختەبوون و بەكارهێندراون لەپێناو جوانكردنی سیمای پارتی دادوگەشەپێدانی دەسەڵاتداری توركیا و پشتیوانیكردنی ئەو سیاسەتانەی ئەردۆغان پەیڕەویان دەكات.