مەودا میدیا-

وتەبێژی دەوڵەتی ئێران رایگەیاند، لە بەرانبەر ئەو هەوڵەی دۆناڵد ترەمپ، سەرۆكی ویلایەتە یەكگرتووەكانی ئەمریكا بۆ دانوستان لەگەڵ ئێران بە هەند وەرناگرین و گرنگی پێ نادەین.

عەلی رەبیعی، وتەبێژی دەوڵەتی ئێران لە كۆنگرەیەكی رۆژنامەنوسیدا رایگەیاند "لە بەرانبەر ئەو هەوڵەی ترەمپ بۆ دانوستاند لەگەڵ ئێران گرنگی پێ نادەین و بە هەندی وەرناگرین، ئەوە بەسە كە ئێمە قسەكانی ئەومان لا گرنگ نییە".

ئاماژەی بەوەشكردوە "ئەو كە بۆ سوكایەتیكردن بە مافی نێودەوڵەتی هیچ باكێكی نییە، چۆن دەتوانێت بەڵێن بدات و دانوستان بكات و رێككەوتن ئەنجام بدات".

ئەوەشی خستوەتەڕوو "ئەمریكا هیچ بژاردەیەكی بۆ ئێران نەهێشتووەتەوە تەنیا ئەوە نەبێت دژی بوەستینەوە".