مەودا میدیا-

مادده‌ی خۆراكی پر له‌ ڤیتامین سی: ڤیتامین c ئەنتی ئۆكسیدانی زۆر بەهێزە، كە لە كەسی جگەرە كێشدا زۆر كەمە، ئەنتی ئۆكسیدەكانی وەك ڤیتامین c لە لە ناوبردنی خانە بنەڕەتیەكانی نەخۆشی سی كاریگەری گرنگی هەیە، بەپێی توێژینەوەیەكی دامەزراوەی (لاینون پاولینگ) كەسی جگەرەكێش دەبێت قیتامین C زۆر بەكاربهێنن.

 پیاوانی جگەرەكێش رۆژانە پێویستیان بە (125) میلی گرام و ژنانی جگەرەكێشیش بە  (110) میلی گرام ڤیتامین C هەیە، ڤیتامین C كاریگەری ڤیتامین E بۆ لەش رێكدەخات، ماددەی خۆراكی پڕ لە ڤیتامین C  بریتین لەمانە (كاڵەكی زەرد، ئاوی پرتەقاڵ، مانگۆ (جۆرێكە لەمیوە)، برۆكلی و كەلەرم).

ماددەی خۆراكی پڕ لە ئۆمیگا 3 : شێرپەنجەی سی یەكێكە لە هۆكارە سەرەكیەكانی مەرگ و بێ‌ هێزی تاكی جگەرەكێش، بەپێی توێژینەوەیەك كە لە ساڵی 2005 ئاژانسی لێكۆلێنەوەی سەلامەتی ئەنجامی داوە، ماددەی خۆراكی پڕ لە ئۆمیگا 3 رێگری لە گەشەكردنی خانە شێرپەنجەییەكان دەكات، ماددەی خۆراكی  پڕ لە ئۆمیگا 3 بریتین لە ( ماسی تونە،پاقلەی سۆیا،ڕۆنی زەیتون).

چای سەوز: زۆر خواردنەوەی چای سەوز زۆر تەندروستە كەجۆرێكی تایبەت لە ئەنتی ئۆكسیدان بەناوی (پلی فنول)ی تێدایە، بەگوێرەی توێژینەوەیە كە لە ساڵی 2010 ئەنجمدراوە، ئەگەری توشبوون بە شێرپەنجەی سی لەو جگەرەكێشانەی كە چای سەوز ناخۆنەوە لە بەرانبەر ئەوانەی كە  رۆژانە یەك كوپ چای سەوز دەخۆنەوە دە بەرانبەرە.

میوەكان:میوەی رەنگ تۆخەكان وەكو توتڕك و پرتەقاڵ پر لە ئەنتی ئۆكسیدانن، خواردنی ماددەی خۆراكی هەڵگری ئەنتی ئۆكسیدان یارمەتی كەمبونەوەی توشبون بە نەخۆشیەكانی دڵ دەدات، بەپێی راپۆتێك كە لە ساڵی 2005 بڵاوكروەتەوە،توتڕك تەرازوی ئۆكساندن لە لەشی تاكی جگەرە كێش كەمدەكاتەوە.