مەودا میدیا – سەركۆ جەمال

 ئەمڕۆ دووشەممە 11 ی ئابی 2020 وەزارەتی تەندروستی و ژینگەی عیراق، ئاماری 24 كاتژمێری رابردووی تووشبووانی بە كۆرۆنا راگەیاند.

وەزارەتی تەندروستی و ژینگەی عیراق لە راگەیەندراوێكدا ئاماژەی بەوەداوە "لەماوەی 24 كاتژمێری رابردوودا لە سەرجەم تاقیگە پسپۆڕییەكانی عیراق پشكنین بۆ 18901 نموونەی وەرگیراو كراوە، بەوەش كۆی نموونە پشكنینكراوەكان گەیشتووەتە یەك ملیۆن و  183هەزار و 950.

هەر بەپێی ئەو ئامارە، ژمارەی حاڵەتەكانی چاكبوونەوەش 2312 حاڵەت بووە و بەرزترین ژمارەش لەپارێزگای بەغدا/كەرخ تۆماركراوە كە 510 حاڵەت بووە.

لە راگەیەندراوەكەدا ئەوەشخراوەتەڕوو "تاقیگەكانی وەزارەتی تەندروستی و ژینگەی عیراق 3396 حاڵەتی توشبوونی نوێیان تۆماركردووە و بەرزترین ژمارەی حاڵەتەكانی توشبوون لە پارێزگای بەسڕە تۆماركراون كە 426 حاڵەت بووە، هەروەها 67  حاڵەتی گیانلەدەستدانیش تۆماركراون، بەرزترین ژمارە لەپارێزگای هەولێر تۆماكراوە كە نۆ حاڵەت بووە".

وەزارەتی تەندروستی عیراق ئامارەكانی دیكەی بەمشێوەیە راگەیاندووە:-
كۆی ژمارەی حاڵەتەكانی چاكبوونەوە: 112102 حاڵەت (رێژەی چاكبوونەوە گەیشتۆتە لە 71.5%)
كۆی ژمارەی توشبووان: 156995 حاڵەت
كۆی ژمارەی چارەسەركراوان: 39362 كەس
كۆی ژمارەی حاڵەتٍەكان لەبەشی چاودێری وورد: 545 كەس
كۆی ژمارەی گیانلەدەستدان: 5531