مەودا میدیا- سەركۆ جەمال

ئەندامێكی پەرلەمانی كوردستان، واژۆی خۆی لەسەر پرۆژە یاسای رێكخستنی میدیای ئەلكترۆنی دەكشێنێتەوە، راشیدەگەیەنێت رێز لەو سەرنج و تێبینیانە دەگرێ كە لەلایەن هاوڵاتیان و نوسەران ومیدیاكارانەوە لەسەر پێشنیازەكە هەیە.

شادی نەوزاد، ئەندامی پەرلەمانی كوردستان، لە فەیسبووكی خۆی نوسیویەتی"لە سۆنگەی بروا بونم بە ئازادی و ئازادی رادەربرین سەبارەت بە پێشنیازە یاسای رێكخستنی میدیای ئەلكترۆنی لە هەرێمی كوردستان لێرەوە رایدەگەیەنم، واژۆكەم لەسەر پێشنیازی یاساكە دەكشێنمەوە، هەروەها رێز لەو سەرنج و تێبینیانە دەگرم كە لەلایەن هاوڵاتیان و نوسەران ومیدیاكارانەوە لەسەر پێشنیازەكە هەیە".

ئەو پەرلەمانتارە ئاماژە بەوەشدەكات "دەرچواندنی یاسایەك بۆ رێكخستنی كاری میدیای ئەلكترۆنی بە پرس و راوێژ لەگەڵ میدیاكاران و نوسەران و رۆژنامەنوسانی سەربەخۆ كاری لەسەر بكرێت".

دەقی نوسینەكە
هاونیشتیمانیانی ئازیز

لە سۆنگەی بروا بونم بە ئازادی و ئازادی رادەربرین سەبارەت بە پێشنیازە یاسای رێكخستنی میدیای ئەلكترۆنی لە هەرێمی كوردستان لێرەوە رایدەگەیەنم:
١. واژۆكەم لەسەر پێشنیازی یاساكە دەكشێنمەوە.
٢. رێز لەو سەرنج و تێبینیانە دەگرم كە لەلایەن هاوڵاتیان و نوسەران ومیدیاكارانەوە لەسەر پێشنیازەكە هەیە.
٣. دەرچواندنی یاسایەك بۆ رێكخستنی كاری میدیای ئەلكترۆنی بە پرس و راوێژ لەگەڵ میدیاكاران و نوسەران و رۆژنامەنوسانی سەربەخۆ كاری لەسەر بكرێت.