کوردستانی
دوو پەرلەمانتاری دیكە واژۆیان لەسەر پرۆژەیاسای رێكخستنی میدیای ئەلكترۆنی كشاندەوە
مەودا میدیا - سلێمانی |
مەودا میدیا- سەركۆ جەمال
دوو پەرلەمانتاری دیكە لە راگەیەندراوێكی هاوبەشدا، كشاندنەوەی واژۆی خۆیان لەسەر پرۆژەیاسای رێكخستنی میدیای ئەلكترۆنی راگەیاند، داوای راگرتنی خوێندنەوەی دووەمی ئەو پرۆژە یاسایەش دەكەن، راشیدەگەیەنن "پاراستن و داكۆكیكردن لە ئازادییەكانی میدیاكاران، بەرپرسیارێتییەكی ئەخلاقیی و پیشەییە و پێیەوە پابەنددەبن".
هەردوو پەرلەمانتار مەم بورهان قانع و دیاری ئەنوەر، لە راگەیەندراوێكی هاوبەشدا رایانگەیاند"واژۆی خۆیان لەسەر پرۆژە یاساكە دەكشێننەوە، داوای راگرتنی خوێندنەوەی دووەمی ئەم پێشنیازە یاسایە دەكەین و پێداگریش دەكەین لەسەر خوێندنەوەی یەكەم بۆ پێشنیازە هەمواری یاسای "بەرەنگاربونەوەی تێرۆر" و سزانەدانی میدیاكاران بە یاسای ناوبراو".
دەقی راگەیەندراوەكە
راگەیەندراوێك بۆ میدیاكاران و خەڵكی كوردستان
دەربارەی ئیمزای ئێمەی پەرلەمانتار لەسەر پێشنیازە یاسای "رێكخستنی میدیای ئەلكترۆنیی لە هەرێمی كوردستان- عیراق"، ئەم رونكردنەوەیەمان بە باش زانی:
1- لە سۆنگەی رێزگرتنمان لە رای هەندێ میدیاكار و نوسەران كە نیگەرانن لەم یاسایە و مەترسیی خۆیان نیشانداوە لە داهاتودا بە زۆرینەی دەنگی پەرلەمانیی بكرێتە یاسایەكی مەترسیدار و هەڕەشە بۆ سەر میدیای ئەلكترۆنیی.
2-رێزگرتنمان لە مێژوی درێژی كاركردنمان وەكو میدیاكار و بەرگریكردنی بەردەواممان لە ئازادیی كاری میدیایی و هەروەها نیشاندانی هەمان مەترسیی كە بەزۆرینەی پەرلەمانیی ئەم پێشنیازە یاسایە بەلارێداببرێت و بۆ خزمەتی دەسەڵات لە هەرێمی كوردستان دا بەكاربهێنرێت و لەبری ئەو رێكخستنەی لە پێشنیازە یاساكەدا هاتوە، بكرێتە كۆتوبەند.
بڕیارماندا بە:
- كشاندنەوەی ئیمزاكانمان لەسەر ئەم پێشنیازە یاسایە.
- داوای راگرتنی خوێندنەوەی دووەمی ئەم پێشنیازە یاسایە دەكەین و پێداگریش دەكەین لەسەر خوێندنەوەی یەكەم بۆ پێشنیازە هەمواری یاسای "بەرەنگاربونەوەی تێرۆر" و سزانەدانی میدیاكاران بە یاسای ناوبراو.
پاراستن و داكۆكیكردن لە ئازادییەكانی میدیاكاران، بەرپرسیارێتییەكی ئەخلاقیی و پیشەییە و پێیەوە پابەنددەبین.
ئیمزاكان:
- مەم بورهان قانع.
- دیاری ئەنوەر حەمەرەحیم.
16/ 8/ 2020
دوو پەرلەمانتاری دیكە لە راگەیەندراوێكی هاوبەشدا، كشاندنەوەی واژۆی خۆیان لەسەر پرۆژەیاسای رێكخستنی میدیای ئەلكترۆنی راگەیاند، داوای راگرتنی خوێندنەوەی دووەمی ئەو پرۆژە یاسایەش دەكەن، راشیدەگەیەنن "پاراستن و داكۆكیكردن لە ئازادییەكانی میدیاكاران، بەرپرسیارێتییەكی ئەخلاقیی و پیشەییە و پێیەوە پابەنددەبن".
هەردوو پەرلەمانتار مەم بورهان قانع و دیاری ئەنوەر، لە راگەیەندراوێكی هاوبەشدا رایانگەیاند"واژۆی خۆیان لەسەر پرۆژە یاساكە دەكشێننەوە، داوای راگرتنی خوێندنەوەی دووەمی ئەم پێشنیازە یاسایە دەكەین و پێداگریش دەكەین لەسەر خوێندنەوەی یەكەم بۆ پێشنیازە هەمواری یاسای "بەرەنگاربونەوەی تێرۆر" و سزانەدانی میدیاكاران بە یاسای ناوبراو".
دەقی راگەیەندراوەكە
راگەیەندراوێك بۆ میدیاكاران و خەڵكی كوردستان
دەربارەی ئیمزای ئێمەی پەرلەمانتار لەسەر پێشنیازە یاسای "رێكخستنی میدیای ئەلكترۆنیی لە هەرێمی كوردستان- عیراق"، ئەم رونكردنەوەیەمان بە باش زانی:
1- لە سۆنگەی رێزگرتنمان لە رای هەندێ میدیاكار و نوسەران كە نیگەرانن لەم یاسایە و مەترسیی خۆیان نیشانداوە لە داهاتودا بە زۆرینەی دەنگی پەرلەمانیی بكرێتە یاسایەكی مەترسیدار و هەڕەشە بۆ سەر میدیای ئەلكترۆنیی.
2-رێزگرتنمان لە مێژوی درێژی كاركردنمان وەكو میدیاكار و بەرگریكردنی بەردەواممان لە ئازادیی كاری میدیایی و هەروەها نیشاندانی هەمان مەترسیی كە بەزۆرینەی پەرلەمانیی ئەم پێشنیازە یاسایە بەلارێداببرێت و بۆ خزمەتی دەسەڵات لە هەرێمی كوردستان دا بەكاربهێنرێت و لەبری ئەو رێكخستنەی لە پێشنیازە یاساكەدا هاتوە، بكرێتە كۆتوبەند.
بڕیارماندا بە:
- كشاندنەوەی ئیمزاكانمان لەسەر ئەم پێشنیازە یاسایە.
- داوای راگرتنی خوێندنەوەی دووەمی ئەم پێشنیازە یاسایە دەكەین و پێداگریش دەكەین لەسەر خوێندنەوەی یەكەم بۆ پێشنیازە هەمواری یاسای "بەرەنگاربونەوەی تێرۆر" و سزانەدانی میدیاكاران بە یاسای ناوبراو.
پاراستن و داكۆكیكردن لە ئازادییەكانی میدیاكاران، بەرپرسیارێتییەكی ئەخلاقیی و پیشەییە و پێیەوە پابەنددەبین.
ئیمزاكان:
- مەم بورهان قانع.
- دیاری ئەنوەر حەمەرەحیم.
16/ 8/ 2020
بیروڕا
