مەودا میدیا- سازگار ئەحمەد

بەیانی ئەمڕۆ لە گوندی زەلەڕەشی سەربە ناحیەی وارماوە تراکتۆرێک وەرگەڕا، کە باوک و کوڕێک لەسەر تراکتۆرەکە بوون و باوکەکە گیانلەدەستدەدات و کوڕەکەشی بریندار بووە.

نەقیب سیروان عەلی، لێپرسراوی بنکەی هاتوچۆی وارماوە بە مەودا میدیای راگەیاند "بەیانی ئەمڕۆ هەینی کاتژمێر 9:00 لە گوندی زەلەڕەشی سەربەناحیەی وارماوە تراکتۆرێک وەرگەڕا".

ئاماژەی بەوەشکرد "لە ئەنجامی وەرگەڕانی تراکتۆرەکە شۆفێری تراکتۆرەکە بەناوی (عەتا حمە ئەمین رەسوڵ) گیانی لەدەستدا، هەروەها کوڕی شۆفێرەکە بەناوی (محەمەد عەتا) بریندار بووە".

س.س