مەودا میدیا- سەركۆ جەمال

سەرلەبەیانی ئەمڕۆ، لە شارۆچكەی كەلاری ناوەندی ئیدارەی گەرمیان بەرامبەر بینای كۆنی پاسپۆرت لە تەنیشت نەخۆشخانەی شەهید شێرەی نەقیب ، سەنتەری "پەنا" كرایەوە، كە سەر بە رێكخراوی خەڵكە بۆ گەشەپێدان(PDO).

لەكاتی كردنەوەی ئەو سەنتەرەدا بەرپرسانی باسیان لەوەكرد "كار و چالاكییەكانی سەنتەرەكە بریتی دەبێت لە پاراستن و هۆشیاركردنەوەی ژنانی ناوچەكە و گرنگیدان بەتواناكانیان، هەروەها كردنەوەی خول و سیمینار بۆ ژنان لە رووی هۆشیارییەوە بۆ ئەوەی بتوانن پارێزگاری لەخۆیان بكەن و توانای بڕیاردان و مافوەرگرتنیان هەبێت".

دواتر لەلایەن ئامادەبووانەوە باس لە رۆڵ و گرنگی ئەم جۆرە سەنتەرانە كرا لەناوچەكەدا.