مه‌ودا میدیا-
بەپێی راپۆرتێكى سی ئێن ئێن، بەرپرسانی فەرماندەیی ناوەندیی ئەمه‌ریکا و پنتاگۆن کار لەسەر لیستێکی بەرفراوان دەکەن لە ئامانجە ئەگەرییەکان لە ئێران، ئەمەش لە کاتێکدایە کە ئاماژەکانی بەرپرسانی ئەمه‌ریکا کە ئەگەری هەیە پێش کۆتایی ئەمساڵ ئۆپەراسیۆنی سەربازیی نوێ دەست پێبکرێت.
تۆڕەکە لە زاری سەرچاوە ئەمه‌ریکییەکانەوە رایگەیاندووە کە پێدەچێت مەودای ئۆپەراسیۆنە ئەگەرییەکان لەو هێرشە “دۆخی ئێستا” زیاتر درێژببێتەوە کە رادارەکان و مووشەکهاوێژەکان و سەروەت و سامانی ترى ئێرانی کردوه‌تە ئامانج کە دەتوانرێت بە خێرایی کارابکرێنەوە لەو کاتەوەی دۆناڵد ترەمپ ئۆپەراسیۆنەکانی شەڕی تەواوەتی لە سەرەتای ئەمساڵدا راگرت.
بەپێی راپۆرتی سی ئێن ئێن، لیستی ئەو ئامانجانەی کە پەرەیان پێدەدرێت، ژێرخانی وزەی ئێران، شوێنە سەربازییەکان و دامەزراوە ئەتۆمییەکانی ئێران لەخۆدەگرێت.
بەرپرسانی ئەمه‌ریکا پێیان وایە فەرمانی ترەمپ بۆ دەستپێکردنی ئۆپەراسیۆنەکان تەنها پرسی کاتییە، پێدەچێت دوای هەڵبژاردنی ناوەڕاستی خولی کۆنگرێس بێت، هەرچەندە دەکرێت لە هەر کاتێکدا پێش کۆتایی ساڵ بێت.
بەڵام بەرپرسان جەختیان لەوە کردەوە کە ترەمپ هێشتا بڕیاری نەداوە دوای هەڵبژاردنەکان چی دەکات، هەرچەندە پێدەچێت مەیلی فەرمانی کردەوەی یەکلاکەرەوەی هەبێت، هۆشداریشیان داوە کە پێشتر ئاماژەی بە ئامادەیی خۆی کردووە بۆ ئەوەی هەندێک هەنگاو بنێت تەنها بۆ ئەوەی لە کۆتا خولەکدا پاشەکشە بکات، بەرپرسانی ئەو وڵاتە رایانگەیاندووە “هێزەکانمان لەماوەی 96 کاتژمێردا دوای وەرگرتنی فەرمانەکەی ترەمپ ئامادەن بۆ ئۆپەراسیۆن دژی ئێران”.
ع
