مهودا میدیا-
بنیامین ناتانیاهۆ، سەرۆکوەزیرانی ئیسرائیل لە مێژە دابەشبوونە سیاسییەکانی واشنتۆن بۆ بەرەوپێشبردنی ئامانجە سیاسییەکانی دەقۆزێتەوە، بەڵام هەژموونی دۆناڵد ترەمپى سهرۆكى ئهمهریكا لە پارتی کۆمارییەکان، کاریگەرییەکی ناوازەی پێبەخشیوە بۆ ئەوەی کاریگەری لەسەر هەنگاوەکانی داهاتووی تەلئەبیب هەبێت، بهپێى واشنتۆن پۆست.
بەگوێرەی رۆژنامەی واشنتۆن پۆست، لە چەند رۆژی ڕابردوودا ترەمپ قورسایی تەواوی خۆی لەسەر ئیسرائیل خستۆتەگەڕ و کاریگەریی راستەوخۆی بە شێوەیەک خستووەتە بواری جێبەجێکردنەوە کە هیچ سەرۆکێکی ئەمهریکا لە دەیان ساڵدا نەیکردووە. رژی دووشەممە رایگەیاند “ناتانیاهۆی ناچار کردووە پاشەکشە بکات لە هێرشەکەی بۆ سەر ئێران دوای ئەوەی ئاگاداری کردۆتەوە کە رەنگە خۆی ببینێتەوە کە بە تەنیا دژی تاران شەڕ بکات”.
ئەمەش بووەتە هۆی دروستبوونی درزێکی نائاسایی گشتیی لە نێوان هەردوو سەرکردەکەدا، کە سەرەڕای چەندین رەخنەی نێودەوڵەتی، هاوپەیمانییەکی بەهێزیان پاراستووە. بەڵام ئەجێندا سیاسییە ناوخۆییەکانیان دەست دەکەن بە جیابوونەوە. ترهمپ دەیەوێت بە خێرایی کۆتایی بە شەڕ لەگەڵ ئێران بهێنێت، لە کاتێکدا ناتانیاهۆ رووبەڕووی فشارەکان دەبێتەوە کە بەردەوام بێت تا ئەو کاتەی بەدەستی دەهێنێت کە بە سەرکەوتنی تەواوەتی بەسەر تاران ناوی دەبات.
هۆشدارییەکەی ترهمپ بۆ نەتانیاهۆ سەبارەت بە ئەگەری راگرتنی پشتیوانی ئەمهریکا لە ئیسرائیل نوێنەرایەتیی لادان لە رێبازە تەقلیدییەکەی ئەمهریکا دەکات کە پشتیوانی ئیسرائیل دەکات لە دژی ئێران لە هەموو هەلومەرجێکدا، شایانی باسە کە ناتانیاهۆ لە مانگی شوباتی رابردوودا ترەمپی رازی کرد کە بەشداری لە هێرشی سەرەتایی بۆ سەر ئێران بکات.
پەیوەندی ئاڵۆزی نێوان ترەمپ و ناتانیاهۆ دەتوانێت داهاتوویەکی نوێ بۆ رۆژهەڵاتی ناوەڕاست بۆ نەوەیەک لە قاڵب بدات، چونکە رەچاوکردنی ناوخۆیی هەردووکیان بەرەو ئامانجی جیاواز پاڵدەنێت.
ترەمپ هەوڵدەدات بە کردنەوەی گەرووی هورمز و سەپاندنی سنوورێکی توند بەسەر بەرنامە ئەتۆمییەکەی ئێران کۆتایی بە ململانێکان لەگەڵ ئێران بهێنێت، لە بەرانبەردا ناتانیاهۆ پێی وایە ناتوانێت رێگە بدات هێرشە راستەوخۆکانی ئێران، وەک ئەوانەی لە کۆتایی هەفتەدا، بێ وەڵام بمێننەوە و رووبەڕووی رەخنەی ناوخۆیی دەبێتەوە کە تۆمەتبار دەکەن بەوەی ملکەچی ئەمهریکا بووە.
رۆژی دووشەممە، ترەمپ لە تۆڕی کۆمەڵایەتی تروتسۆشیال نووسیبووی کە دانوستانەکانی ئاشتی بەم زووانە دەبێتە هۆی رێککەوتن، مەگەر نەزانی یان گەمژەیی رێگر نەبێت، ئاماژەی بەوەشکرد، هەردوو ئیسرائیل و ئێران دەیانەوێت کۆتایی بە شەڕەکە بهێنن.
ترەمپ بە کەناڵی 12ی ئیسرائیلی راگەیاندووە، فەرمانی بە ناتانیاهۆ کردووە خۆی لە هێرشکردنە سەر ئێران بەدوور بگرێت و دەشڵێت پێنج وڵاتی ناوچەکە داوایان لێکردم فشار بخەمە سەر ناتانیاهۆ بۆ ئەوەی هێرش نەکاتە سەر ئێران، من بە ناتانیاهۆك وت “دەبێت وریا بیت لەوەی چی دەکەیت، چونکە دەتوانیت خۆت بە تەنیا ببینیتەوە دژی ئێران”.
ناکۆکییەکەی نێوان ترەمپ و نەتانیاهۆ لە کاتێکدایە کە دوای هێرشەکەی حەوتی ئۆکتۆبەر، ناوبانگی سەرۆکوەزیرانی ئیسرائیل زیانی بەرکەوتووە و راپرسییەکانیش دەریدەخەن کە جەماوەرییەکەی کەمدەبێتەوە لەگەڵ نزیکبوونەوەی هەڵبژاردنەکانی ئیسرائیل کە پێشبینی دەکرێت لە مانگی ئۆکتۆبەردا ئەنجام بدرێت.
درزەکە هەفتەی ڕابردوو کاتێک دەرکەوت کە ترەمپ لە پەیوەندییەکی تەلەفۆنیدا ناتانیاهۆی سەرزەنشت کرد بەهۆی ئەوەی رێککەوتنی ناسکی ئاگربەستی لەگەڵ ئێران خستە مەترسییەوە.
ع
