مەودا میدیا-
سەرۆکی پەرلەمانی ئێران ئاشکرایکرد هەڕەشەکردن بە جەنگی فراوان یان تیرۆر، نابێتەهۆی پاشەکشەی تاران لە ماف و بەرژەوەندییەکانی خۆی، وڵاتەکەی ناترسێت و ئامادەیە وەڵامێکی چاوەڕواننەکراو لە دەرەوەی خەیاڵ بداتەوە.
محەمەد باقر قالیباف، سەرۆکی پەرلەمانی ئێران رایگەیاند “بانگەشەکانی ئەمەریکا بۆ تاران جێگەی متمانە نین، تاوەکو بە کرداریی قەرەبووی پێشێلکارییەکانی نەکاتەوە و دەستبەرداری سیاسەتی خۆسەپاندن و چاوچنۆکی نەبێت”.
ئاماژەی بۆ ئەوەشکرد “بەهۆی بە هەڵە لێکدانەوە و هەڵگیرساندنی جەنگ دژبە ئێران، ئەمەریکا کەوتووەتە ناو زەلکاوێکەوە و ئێستاش دەبێت هەوڵی رزگارکردنی خۆی بدات”.
ئەوەشی خستەڕوو “ئێران هیچ هەڵوێستێکی نوێی نییە و مەرجی سەرەکیشی بۆ گۆڕینی دۆخی ئێستا، پەیوستە بە گۆڕینی رەفتاری ئەمەریکا و قەرەبووکردنەوەی کرداریی ئەو بەڵێنانەیە کە پێشێلی کردوون”.
ب ح
